煲仔飯時間

趁天氣未變到太熱嘅時候就把握機會食多幾次😆呢間「嚐囍」除咗有煲仔飯仲有點心，供應時間包括埋晚市添。我哋4個人叫咗兩個煲仔飯加數款點心已經夠晒飽！ 「嚐囍」最出名嘅菜式非炭燒煲仔飯莫屬！點餐紙上有數十款煲仔飯俾你揀，全部都即叫即整。每一鍋煲仔飯都真材實料，喺個煲入面仲搵到香脆黃金飯焦！用匙羹將一塊塊飯焦揭起係需要少少力度😆喺過程入面已經聞一一陣陣嘅炭香味😋 ▫️大澳蝦乾肉餅飯 （HKD112） ▫️臘味排骨飯 （HKD102) 其他點心質素亦唔錯，煎釀虎皮尖椒、燒賣皇同埋蜆蚧鯪魚球都係我哋嘅至愛 🌟用餐限時90分鐘，每一張枱只限落煲仔飯一次(冇得加單)。 🌟3人或以上先可以訂枱，不過電話極難打通😂 🌟唔想排隊或者想將排隊時間減到最低嘅話[根據我個人經驗] - 早上10點半前到達，叫住啲點心食先，等到11am就落單叫煲仔飯。或者喺大約5點前到達食店，等位時間唔會需要太耐。 🌟每位茶芥$10 #UCreator#中菜餐廳#香港美食#美食推介#打卡美食#煲仔飯